အိုးစားကွဲသောအခါ(ဒုတိယပိုင်း)

" မေ့အတွင်းပစ္စည်းတွေ ဘယ်ရောက်ကုန်လဲ ၊ ညည်းတို့ယူထားလား "

" ကြံကြံဖန်ဖန် . . . သေတ္တာထဲကဟာအကုန်ပဲ "

" မညာနဲ့ ၊ ဒီလောက်မကဟာအကုန်ပဲ "

" မရှိဘူးမပြောနဲ့ ညည်းက အမေနဲ့နေတာ "

နှစ်ယောက်သားကြိတ်ကြိတ် ကြိတ်ကြိတ်နဲ့ ဖြစ်နေလိုက်ကြတာ မိခင်ကြီးရုပ်အလောင်း မီးစက်ထဲရောက်သွားတာတောင် သိကြဘူး ၊ ပရိသတ်သူတို့ဘက်လှည့်လာမှ အရှိန်သတ်သွားကြတယ် ။ ပွဲကတော့မပြတ်သေးဘူး ၊ ဆက်ထွက်ဦးမယ့်ပုံပဲ ။ ကျုပ်လည်း သူတို့ကိုကြည့်ပြီး သံဝေဂရမိတယ် ၊ ကျုပ်အလှည့်ကျ ဒီလိုမဖြစ်ရအောင် ပစ္စည်းစားရင်းလုပ်ပြီး ပေးထားလိုက်ရင် ကောင်းမလားတွေမိတယ် ၊ လူတွေကိုကြည့်ပြီးကျုပ်တောင် တော်တော်လေးစိတ်ပျက်မိတယ် ။ မီးစက်ရဲ့နောက်နားဘက်ကို ရွှေ့လှမ်းလာမိတယ် ။ နံရံတစ်ခုမှာမှီနေမိတယ် ။ လူတွေကိုကြည့်ရင်း ကျုပ်မောလာသလိုပါပဲ ။ ကျုပ်ခေါင်းကိုမော့ပြီး အဓိပ္ပါယ်မဲ့ ငေးကြည့်နေမိတယ် ။ အလို . . .ထူးဆန်းလေစွ ။ လူကြီးတစ်ယောက်ဟာ မျက်နှာကျက်မှာ မှီကပ်နေရာက ကျုပ်ကိုပြုံးပြတယ်။ သူမျက်နှာကျက်မှာ ဘယ်လိုလုပ်ပြီး ရပ်တည်နေပါလိမ့် ။ လူတွေအများကြီးထဲမှာ ကျုပ်ကို အသိအမှတ်ပြုနှုတ်ဆက်တာ သူတစ်ယောက်ပဲ ရှိသေးတယ် ။ နောက်ပြီး ကျုပ်ကိုမေးငေါ့ပြတယ် ၊ သူပြရာဘက်ကို ကျုပ်လှမ်းကြည့်လိုက်တယ် ၊ အလောင်းတစ်လောင်းကို မီးစက်ဆီ တွန်းလာကြဖို့ လုပ်နေတာပါ ။ တစ်ယောက်က ရေအိုးလေးကို ပစ်ခွဲလိုက်တယ် ။

ဟင် . . . ရေအိုးခွဲတာ ကျုပ်ဘကြီးပဲ ။ ကျုပ်အဖေရဲ့အစ်ကိုလေ ဘယ်သူများသေလို့ပါလိမ့် ၊ ကျုပ်သေချာကြည့်မိတယ် ။ ဟင် . . . ဖေနဲ့ အမေပါလား ၊ မေကမျက်နှာကို လက်ဝါးနဲ့ အုပ်ငိုနေပြီး အဖေက အနားကနေ ထိန်းထားပေးနေတာ ။ အလောင်းရဲ့ပတ်ပတ်လည်မှာတော့ ကျုပ်ဇနီးနဲ့ သားသမီးတွေ ပါလာသေးတယ် ၊ ကျုပ်အံ့သြမိတယ် ၊ ဘယ်သူသေလို့ လိုက်ပို့ကြတာပါလိမ့်ဆိုပြီး သူတို့ဆီ ပြေးသွားမိတယ် ။

" ဟေ့ . . . . သက် "

ဇနီးသည်ကိုလည်း လှမ်းခေါ်လိုက်တယ် ၊ မကြားဘူး ။ ငိုမြဲငိုနေတယ် ၊ သောကနဲ့မို့ မကြားတာပဲလို့ ယူဆလိုက်မိတယ် ။ အဖေ့ကိုဆက်ခေါ်လိုက်မိတယ် ။

" အဖေ . . . အဖေ "

အဖေကလည်းမကြားပြန်ဘူး ၊ အမေ့ကိုချော့နေမြဲပဲ ။ လှည်းပေါ်က ရုပ်အလောင်းကိုတော့ မီးစက်ဆီတွန်းယူသွားကြပြီ ။ ဘယ်သူများသေလို့ပါလိမ့် ၊ တစ်အိမ်သားလုံး ဆွေးဆွေးမြည့်မြည့် လိုက်ပို့နေကြတာဆိုတော့ မိသားစုထဲကပဲလို့ ကျုပ်တွေးလိုက်မိတယ် ။ ကျုပ်လူကြားတိုးဝှေ့ပြီး အလောင်းရဲ့မျက်နှာကို ကြည့်လိုက်တယ် ။ ကျုပ်နဲ့ချွတ်စွပ်တူတဲ့ လူတစ်ယောက်ပဲ ။ မီးစက်ပေါက်မှာ ရပ်ထားပြီး သက်နဲ့ကလေးတွေးက ကန်တော့ကြတယ် ။ ရှိုက်ရှိုက်ငိုနေတဲ့အမေ့ကို
အဖေက . . . . " စိတ်ထိန်းပါကွာ " လို့ ငိုသံပါကြီးနဲ့ပြောနေတယ် ။
ကျုပ်နားမလည်နိုင်အောင် ဖြစ်နေတယ် ။ အားလုံး စိတ်ဆင်းရဲနေတာ ကျုပ်မကြည့်ရက်ဘူး ။

" ဟေ့ . . . .ဟေ့ . . . .ငါမသေဘူး ။ ဒီမှာပါကွာ " လို့ပြောလိုက်မိတယ် ။

ဘယ်သူမှာကြားဟန်မတူဘူး ၊ ငိုမြဲ ၊ ရှိုက်မြဲ ၊ ပူဆွေးမြဲပါပဲ ။ မီးစက်တံခါးက ဟလာပြီး လှည်းကိုမီးစက်ထဲတွန်းသွားကြတယ် ။ ကျုပ်အလန့်တကြားအော်ဟစ်မိလိုက်တယ် ။

" မလုပ်နဲ့ . . . မလုပ်နဲ့ . . . ကျုပ်မသေဘူး ။ ဒီမှာရှိတယ် "

လှည်းတွန်းလာတဲ့ ရေးဝေက ဝန်ထမ်းတွေလည်း မကြားပြန်ဘူး ၊ မီးစက်ထဲသွင်းဖို့ လုပ်နေကြမြဲပဲ။

" မလုပ်နဲ့ မလုပ်နဲ့ . . . . မင်းတို့မှားနေပြီ "

ကျုပ် သိမ်းကြုံး အော်ဟစ်မိတယ် ။ ကျုပ် သိပ်ကြောက်နေမိတယ် ၊ မီးတွေထဲက ကျုပ် အကြောက်ကြီးကြောက်တဲ့ နံပါတ် ( ၁၂ ) မြောက်မီးထဲကို ကျုပ်မဝင်ချင်ဘူး အို . . ကျုပ် ဘယ်မီးစက်ထဲကိုမှ မဝင်ချင်ဘူး ။ လှည်းပေါ်ကလူဟာ ကျုပ်တဲ့လား ။ ဒါကြောင့် သက်တို့ ၊ အဖေ တို့ အမေ ငိုနေကြတာလား ၊ ဒီလိုဆို မငိုကြပါနဲ့လို့ ပြောလိုက်ချင်တယ် ။ ကျုပ် သေမှမသေဘဲ ၊ ဒီမှာရှိနေတယ်လေ ။

" သား . . . . ဒီမှာပါ ဖေဖေရဲ့ "

ကျုပ်ရင်ဘက်ကို ပုတ်ပြပေတယ့် ဖေဖေ ဂရုမစိုက်ဘူး ။

" သက် . . . မငိုပါနဲ့ ၊ ကိုယ်ဒီမှာရှိပါတယ် "

သက်ကလည်း ဂရုမစိုက်ဘူး ၊ သူဟာသူငိုမြဲငိုနေတယ် ။

" သား . . . သမီးမငိုကြနဲ့တော့ ၊ ဒီမှာဖေဖေရှိတယ် "

သားနဲ့သမီးနာကပ်ပြီး တိုးတိုးလေ ပြောလိုက်တယ် ၊ သားကတော့ အငိုမပျတ်ဘူး ။ သမီးကတော့ အငိုရပ်ပြီး နားစွင့်ဟန်ပြုတယ် ၊ ကျုပ် သိပ်ဝမ်းသားသွားတယ် ။ ကျုပ်ပြောတာကို သမီးကြားတယ် သမီးသိတယ် ။ ကျုပ်သိပ်ချစ်တဲ့ သမီးလေးက ကျုပ်ပြောတာကို ကြားတယ်ဆိုပြီး ကျုပ်ဆွေ့ဆွေ့ခုန်မတတ် ဝမ်းသာသွားတယ် ။ သမီးရဲ့ ပါးစပ်ဖျားလေးက လှုပ်လာတယ် ။ သမီးအသံလေးကလည်း တိုးတိုးလေး ။

" ! @ # $ % ^ & * ^ # ^ & * # # $ ! @ $ ^ @ ! "

ကျုပ်ဘာလုပ်ရမှန်းမသိဘူး ။ တစ်ကိုယ်လုံး တောင့်တင်းသွားသလိုပဲ ။ သူတို့ကိုကြည့်ပြီး ကျုပ် ဝမ်းနည်းလာတယ် ။ ကျုပ် နောက်ဆုံး သတိထားလိုက်မိတာကတော့ ကျုပ် . . . ကျုပ်လည်း သူတို့နည်းတူ မျက်နှာကို လက်ဝါးနဲ့အုပ်လို့ ငိုကြွေးနေမိတယ် ဆိုတာကိုပါပဲ ။ ။